மீண்டும் எழுந்து'வா..!’ - அப்துல் கலாம் நினைவஞ்சலி கவிதை

இந்தியாவின்

கடைக்கோடியில்

பிறந்திருந்தாலும் எங்களை

தலைக்கோடியிலிருந்து

ஆண்ட எங்களின்

எளிமைத் தலை'வா…'

குறளுக்கு

இலக்கணமாய்

இருந்து

குமரித்தமிழ்

பரப்பிய

உண்மைத் தலை'வா…'

அணுவின் அசைவுகளை

நுணுக்கமாய் ஆராயும்

அமெரிக்காவின் கண்ணில்

மண்ணைத் தூவி

பொக்ரானில் அணுவைப் பிளந்த

விஞ்ஞானத் தலை'வா…'

மாணவர்கள் இதயத்தில்

சிம்மாசனமிட்ட

கறுப்புத் தமிழா…

உனை இந்நாளில்

இழந்து தவிக்கின்றோம்

நீ மீண்டும் எழுந்து'வா…'

தமிழ் உலகமே

அழுகின்றதே தலை'வா…'

மீண்டும்'வா…'

கண்ணீரில் கரைகின்றோம்

அன்புக் கரம் கொண்டு

துடைத்திட எழுந்து'வா…'
தலை…. வா…… தலை'வா..!'

****************************

எங்கள் அப்துல் கலாம் ஐயாவே..!