நீ இருசக்கர வாகனம் வாங்கியதால்..!

நீ இருசக்கர வாகனம் வாங்கியதால்

நேற்று வரை
தங்கத்தின் விலையை மட்டுமே

கவனித்துக் கொண்டிருந்தவள்

இன்று பெட்ரோல் விலையை

மட்டும் கவனிக்கிறேன்..!

நேற்று வரை 

ஆடை விளம்பரங்களை மட்டுமே

ரசித்துக் கொண்டிருந்தவள்

இன்று இருசக்கர வாகன

விளம்பரங்களை மட்டும் ரசிக்கிறேன்..!

நேற்று வரை...

விமானத்தில் மட்டுமே பயணம்

செய்ய விரும்பியவள்...

இன்று உன் இரு சக்கர வாகனத்தில்

மட்டும் பயணம் செய்ய விரும்புகிறேன்...

என்னுள் ஏன் இத்தனை மாற்றங்கள்..

உன் காந்தக் கரம் பட்ட வாகனம்

என் இரும்பு இதயத்தை ஈர்த்ததாலா..?

இல்லை.. நீ எனக்கே எனக்கென

வாங்கிய இரு சக்கர

இரும்புப் பறவையாலா..?