நீயோ நாற்பத்தைந்து கிலோ..?

'நீயோ நாற்பத்தைந்து கிலோ...
நானோ எழுபத்தைந்து கிலோ...
எப்படியடி என் எடையை
நீ தாங்குவாய் ..?' என்றதற்கு
'என் இதயம் எவ்வளவு
எடை இருக்குமென்று சொல்..?
என்று என்னிடமே
எதிர்க்கேள்வி கேட்டாய்..!
அதற்கு நானோ...
'முன்னூறு கிராம்' இருக்குமென்றேன்
'ம்ம்ம்... முன்னூறு கிராம்
எடையுள்ள என் இதயத்தில்
எழுபத்தைந்து கிலோ உள்ள
உன்னையே சுமக்கிறேனென்றால்...
நாற்பத்தைந்து கிலோ உள்ள
நான் உன்னை சுமக்க
மாட்டேனா என்ன..?'
என்று உன் அழகிய
அதரவாயிதழ் திறந்து
என்னையே அசரவைத்துவிட்டாயடி..!